BAG-ONG SUGONG EHEKUTIBO SA PAGHATAG UG TABANG SA MGA NAMATAYAN GIPAKANAOG NI GOB. ARIS AUMENTADO.

Usa sa pinakasakit nga panghitabo sa usa ka pamilya, ang mawad-an ug hinigugma labi na kung lisod ang kahimtang ug walay ika gasto sa himoong haya ug pagplastar niini sa kapahulayang dayon. Tungod niini gipakanaug ni Gobernador Aris Aumentado ang Executive Order no. 10-A o mas nailhan nga ” Bereavement Assistance Program ” , kini alang sa katawhang Bol-anon tungod kay gusto sa gobernador nga hatagan ug kasayon ang mga pamilyang lisod ang estado sa kinabuhi.

Ilawom sa seksyon 465 sa Republic Act No. 7160 o mas nailhang local government code gipalig-on ang maong sugong ehekutibo. Mahimong maka benipisyo mga hingtungdan kung tinood taga Bohol ang nitaliwan bisan paman tuod ug sa laing probinsiya kini namatay basta ang maong haya himoon sa lalawigan. Usa sa benepisyo nga madawat mao ang P 3,000.00 pesos nga cash assistance basta ikapakita lang sa hingtungdan ang death certificate ug address sa nitaliwan, kinahanglan usab nga naa ang hingtungdan namatay aron siguradong madawat ang giingong hinabang, apan kung walay pamilya nga mo angkon niini sulod sa 40 ka adlawa dili makadawat sa maong assistance.

Gikatahong modool lang sa buhatan sa Offfice of the Provincial Social Welfare and Development (OPSWD), aron sa pag avail sa maong programa tungod kay epektibo na ang maong sugong ehekutibo sa ika 29 sa Setyembre 2022. Lumalabay lamang kita niining kalibutana maong gusto ni Gobernador Aris Aumentado nga bisan sa pahulay nga dayon matagamtaman sa matag pamilya kalipay bisan pa sa lisod nga sitwasyon ig estado sa kinabuhi.