BOHOL TOURISM PLANONG MAS I-IMPROVE PA ARON MAS MAAGNI ANG MGA TURISTA NGA MOBISITA SA BOHOL.

Turismo ang usa sa nagpalambo sa ekonomiyanhong bahin sa usa ka probinsiya diin matud pa ni Bong Bengzon, kinahanglan nga mas i-improve ang usa ka tourist destination aron magpabilin nga madanihon sa mga turista ilabi na sa tourism market aron sa ingon dili na lisod nga mangagni ug mobisita sa lalawigan kon dili ang mga turista na mismo ang buot nga moanha sa usa ka probinsiya.

Dugang pa ni Bengzon, kinsa gikonsiderar nga usa ka tourism guru ug gilantaw usab mahimong consultant sa turismo ilawom sa administrasyong Aumentado diin gitumbok usab niini ang global kompetisyon nga kinahanglan og insaktong destinasyon aron mahibaloan ang target market niini diin makamugna og saktong branding ug messaging isip usa ka “produkto.” pag abot sa turismo.

Kini pamahayag ni Bengzon atol sa ilang inisyal nga pakigtagbo ni Gobernador Aris Aumentado sa Philippine Travel Mart sa Pasay City niadtong Biyernes Oktobre 1, 2022. Si Bengzon kinsa bag-o lang me ritero sa iyang 35 ka tuig nga pagserbisyo sa Department of Tourism (DOT) nipadayag sa iyang kaandam nga motabang sa Bohol pag abot sa turismo tungod kay usa ang Bohol sa pinak gibisita sa mga turista busa angay lamang nga mas palambuon kini Si Bengzon usab ang undersecretary alang sa pagpalambo sa turismo samtang nagdumala usab sa mga langyaw nga opisina ug sa planning ug policy team.

Milingkod usab siya isip direktor sa Tourism Promotions Board, Duty-Free Philippines ug Philippine Commission on Sports Scuba Diving ingon man sa Civil Aviation Authority of the Philippines (CAAP). Busa makalaom ang administrasyong Aumentado labi na ang katawhang bol-anon nga dunay kalambuan ang mahitabo pag-abot sa turismo sa lalawigan. Diin gusto ni gobernador Aris Aumemtado nga mas mahimong agresibo ang kampanya sa mga turista ug maagni nga mobisita sa probinsiya ug labaw sa tanan e promote ang tourism pag-ayo kanila aron sa dugang kalambuan sa lalawigan ug maalsa ang giingong a Bohol we can be proud of.