MGA NATIONAL GOVERNMENT AGENCIES GI-TANYAGAN NI GOB ARIS AUMENTADO NGA MAGPAHILUNA SA ILANG SATTELITE OFFICE DINHI SA BOHOL

Gitanyagan ni Gobernador Aris Aumentado ang pipila ka mga buhatan sa national government nga mopahiluna sa ilang satellite office dinhi sa Bohol aron maghatag og kasayon sa mga Bol-anon nga dunay mga transaksyon sa mga buhatan. Suma ni Aumentado nga gihimo niyang Natonal Agency Hub ang Governor’s Mansion sa CPG Avenue sa Barangay Cogon sa syudad sa Tagbilaran.

Matud sa Gobernador nga iya nang gitanyagan ang Department of Foreign Affairs (DFA), Overseas Workers Welfare Administration (OWWA) ug Land Transportation Franchising and Regulatory Board (LTFRB) nga magbutang og buhatan dinhi. Matud pa, nagpakita og interes ang maong mga buhatan nga magpahiluna og opisina sa Bohol human usab nga duna nay andam nga lugar alang kanila. Sa pagkakaron, ang mga taga Bohol nga adunay transaksyon sa maong mga ahensya- dili na kinahanglan pa nga mobiyahe paingon sa Cebu. (AEST)