Isip pagsaulog sa “World Food Day” ang kagamhanang probinsiyal sa Bohol, mipahigayon ug libreng seminar labi na sa atong mga mag-uuma ug mangingisda ang Office of the Provincial Agriculturist aron sa mas mahasa pa ang atong mga mag-uuma pinaagi sa pagpalambo sa ilang mga pananom ug mas abunda ang mamahimong umaabot nga ani.
Pinaagi sa temang ” Leave No One Behind ” gipahinumduman ang kadaghanan nga gawas sa pag padaghan sa atong mga produkto, kinahanglan usab nga mamahimo kitang responsable nga walay masayang nga mga pagkaon labi na sa matag pamilya.
Si acting Provincial Agriculturist Dr. Larry Pamugas nag-awhag labi na sa matag pamilya nga magkugi sa pagpananom sa mga lagotmon, himoon usab matud pa ang backyard gardening aron ma minus-minusan ang gasto sa pagpamalit ug lamas ug uban pa.
Dugang pa ni pamugas nga gikinahanglan nga hatagan ug pagtagad sa kadaghanan ang agrikultura nga maoy gigikanan sa suplay sa pagkaon sa adlaw-adlaw.
Mahinumduman nga una ng migahin ang kagamhanang probinsiyal sa Bohol ug 140 milyon nga pondo alang sa agrikulturang sektor, daghan nga pananom, inubanan sa pagdaginot sa mga pagkaon, manahimong malambuon ang usa ka kumonidad. (AEST)
