Laing oportunidad na usab ang gi-ablihan sa DTI Bohol para sa mga micro-small and medium enterprises diin magpahigayon og usa ka semana nga trade fair. Sa niining paagi usab ma promote sa atong mag kaigsoonang bol-anon ang mga lokal nga produkto.
Si Rey Anthony Regis trade promotion officer sa DTI Bohol miingon nga ablihan ang usa ka semana nga holiday market and crafts fair sa Nobyembre 21 hangtud sa 26 sulod sa Island City Mall sa dakbayan sa Tagbilaran.
Ma display sa mga exhibitors ang mga produktong Bol-anon gikan sa processed foods, handicrafts, furnitures ug uban pa nga mapalit sa baratong presyo.
Suma ni Regis, matag tuig gihimo ang maong kalihukan isip pagpangandam sa umaabot nga pasko diin dunay mga produkto usab nga magamit alang sa Christmas season ilabi na gamit sa decoration sa mga hotel ug resorts nga maoy primary market sa maong trade fair.
Karong tuiga gi-focus ang kalihukan alang lamang sa mga Bol-anong exhibitors sukwahi sa milabay’ng mga tuig nga dunay mga exhibitors nga gikan sa ubang probinsya.
Hinoon dunay mga gi imbitahan usab nga mga buyers gikan sa ubang probinsya ilabi na niadtong mopalit sa mga produkto aron ibaligya pang export.
Gisiguro usab nga ang mga produktong ibaligya sa manufacturers fair ginama mismo sa mga exhibitors og dili kinompra aron ibaligya.
Sa mga gustong moapil suma ni Regis nga hantud sunod semana sila modawat alang sa mga magpa rehistro og moduol lang sa mga negosyo center sa Bohol o diba kaha sa buhatan sa DTI.
Samtang gitarget usab sa DTI nga moabot sa 10 milyones pesos ang mamahimong kitaon sa maong trade fair.
Una giduso ni Board Member Jamie Aumentado Villamor sa 2nd District ang usa ka balaodnon nga mag promote sa mga lokal nga produkto sa lalawigan diin matud pa sa magbabalaod dunay kakugi ug talento ang mga Bol-anon pag-abot sa mga local products. (AEST)
