Si 2nd district board member Tomas Abapo Jr. buot ipasusi ang kasamtangang kahimtang sa mga telco provider dinhi sa lalawigan sa Bohol ilabi na ang gihatag nga serbisyo ngadto sa ilang mga subscriber.

Sa gipahigayong regular nga sesyon sa Sanguniang Panlalawigan kagahapon gi-isa ni Abapo ang kabalaka sa dili maayong kalidad sa serbisyo nga gihatag sa pipila ka mga telco provider sa probinsya.

Hinoon wa motumbok sa particular nga telco provider si Abapo, apan matud niya nga daw nawad-an na og silbi ang gigamit nga mga cellphone tungod sa kahinay sa signal maingon man sa internet.

Sa panahon karon ang cellphone mao na ang labing dali nga magamit sa komunikasyon, apan nahimong walay klaro usahay tungod sa maong problema.

Human sa mga reklamong nadawat gikan sa katawhan sa hinay nga internet ug signal buot ni Abapo nga hatagan og pagtagad sa komitiba sa SP aron masusi kung mahatag pa bas a mga telco provider ang saktong serbisyo ngadto sa katawhan.

Diin sa pagkakaron kini na usab ang usa mga access sa mga magtutudlo ug studyante isip paagi sa pagtuon ug pagkat-on sa bag-ong teknolohiya.