Tingog sa mga mag-uuma gihatagan ug higayon ni Gov. Aris Aumentado nga mapaminawan sila sa ilang mga pagpanginahanglanon aron matabangan ug sulbad ug alang sa kauswagan ug kalamboan sa usa sa mga economic driver sa Bohol, ang Agrikultura. Usa ka Farmers & Fisherfolks forum ang gipahigayon karong adlawa didto sa National Irrigation Administration Covered Court diin mitambong si Gov. Aris Aumentado ug ang acting OIC sa Office of the Provincial Agriculturist Dr. Larry Pamugas aron sa pagpaminaw sa tingog sa mga mag-uuma sa Bohol. Dunay mga nag follow-up sa mga proyekto ug programa nga wala pa nahatagan ug katumanan.Taliwa sa hagit sa pandemya ug human gibiyaan sa bagyong Odette ang Bohol diin nahimong miserable ang panginabuhian sa mga mag-uuma, nibarog ug nagpadayon ang mga lokal nga mag-uuma ug nagpakita sa ilang kalig-on nga dili matandog sa bisan usang pagsulay nga molabay. Padayon sa pag #AbanteBohol