“Limpyong pang gobyerno ug unahon ang mga Bol-anon” kini ang gisaad ni Governor Aris Aumentado sa mga Bol-anon diin usa ka maayong inisyatibo ang gilusad niini nga mao ang OGAR nga matud pa ni kanhi cabinet secretary Jun Evasco kini ang pinaka unang programa nga gilusad sa kagamhanang probinsiyal sa Bohol nga wala pa sukad mahimo sa ubang probinsiya.

Ang OGAR, suma ni Provincial Legal Officer Atty. Handel Lagunay dunay 6 ka mga magbabalaud ang naka assign niini nga pangulohan ni Atty. Neil Ochoco nga maoy magtimon sa matag adlaw nga aktibidad sa maong buhatan, si Atty. Ochoco usab ang director sa 6 ka abogado sa Office of Governance Accountability and Review. Usa si social media influencer ug negosyanteng si Willy Ramasola ang gisaligan isip usa sa mga board of consultants diin mahinumduman nga walay kukahadlok nga gi ladlad niini ang mga gihimong korapsiyon sa ni aging administrasyon, diin mibutyag kini nga andam siyang makig alayon ug motabang sa paghatag ug mga legal nga dokumento sa mga anomalya sa nilabayng administrasyon nga una ng gipasakaan ug reklamo ni Kanhi Tagbilaran City Mayor Dan Lim.

Kauban ni Ramasola sa maong buhatan si Kanhi Mayor Dan Lim, Retired Judge Suceso Arcamo, Retired Judge Gabriel Ingles, Atty. Jordan Pizzaras, Retired Piscal Macario Delusa diin sila ang lig-ong mopatindog sa mga polisiya ug mohimo sa mga imbestigasyon mahitungod sa mga possibleng anomalya sa kagamhanang probinsiyal, diin suma ni kanhi Mayor Dan Lim transparent ug patas ang ilang mamahimong imbestigasyon. Hugot usab nga gi suportahan ni Vice Governor Victor Balite ang paglusad sa Office of Governance Accountability and Review o OGAR tungod kay matud pa dako kinig kahimuan aron makab-ot ang gitinguhang limpyong pang gobyerno ni Governor Aris Aumentado.

Samtang padayon usab nga nagpahinumdom ang batan ong gobernador labi na sa mga tawo ubos sa iyang administrasyon nga mahimong matinud-anon ug himoon ang insaktong serbisyo para sa mga katawhang bol-anon tungod kay gitataw niini nga walay piliong imbestigahan ang buhatan sa OGAR, diin una ng gibutyag sa buhatan nga imbestigahan ang mga anomalyang nahitabo ilawom sa ni aging administrasyong Yap. Ang OGAR maoy usa sa dalan nga gilusad sa inisyatibo ni Governor Aris Aumentado aron malimpyo ang hugaw nga estelo sa pang gobyerno ug tul-iron ang mga hiwi nga katikaran sa kagamhanang probinsiyal tungod kay gusto sa Gobernador ang limpyo nga pang gobyerno ug unahon ang mga bol-anon. (AEST)