140 milyon nga pondo alang sa mga mag-uuma ug mangingisda gigahin sa kagamhanang probinsiyal sa Bohol Abunda nga produktong agrikultura ug isda ang usa sa gilantaw ni Gov. Aris Aumentado sa lalawigan diin nakita niini nga dako kinig tabang aron molambo ang ekonomiyanhong bahin sa Bohol.

Tungod niini migahin ang kagamhanang probinsiyal sa bohol ug 140 milyon nga pondo alang sa mga mag-uuma ug mangingisda, kini aron paspas ang production sa mga tanom ug isda, diin posibleng mamahimong proyekto niini ang seaweeds production, rehabilitasyon ug modernisasyon sa local fishing industry, integrated coconut production project, suporta usab sa mga high value crop production, ug ang pag padaghan sa mga binuhing manok, baboy, kanding ilabi na gyud ang dairy production.

Niining paagiha makab-ot ang target sa abundang supply sa pananom, isda ug mga kahayupan ug mamahimo na kitang maka export sa ubang probinsiya diin dugang na usab kini nga kita sa mga mangingisda ug mag-uuma, ug labaw sa tanan moubos na ang presyo sa isda nga dugay ng yango-ngo sa mga bol-anon. Samtang gikalipay usab ni Provincial Agriculturist Dr.

Larry Pamugas ang maong pondo diin matud pa, usa kini sa mga paagi aron mas molambo pa ang agrikulturang sektor sa probinsiya, ug dugang pa hugot nga suportahan niini ang mga umaabot development plan nga ilusad sa buhatan aron sa hapsay ug produktibo ang resulta sa ilang mga proyekto. Agrikulturang sektor usa sa priority sa development agenda ni aumentado sa panglantaw niini nga adunay insaktong supply sa pagkaon ug panud-an ang katawhang bol-anon.