PAGPAHAMTANG SA DENR OG ENTRANCE FEE SA MGA TOURIST SITE NGA PROTECTED AREA GIPA-PUGNGAN UNA NI GOB ARIS

Pagpabangon sa nibagsak ng turismo sa lalawigan ang gitutukan ni Governor Aris Aumentado tungod kay dako kinig katabang pag-abot sa ekonomiyanhong bahin sa Bohol, diin matud pa sa gobernador tourism ang usa sa naghatag ug kinabuhi sa lalawigang bol-anon. Tungod niin gipa-pugngan una ni Gobernador Aris Aumentado ang plano sa Department of Environment and Natural Resources (DENR) nga mangolekta og entrance fee sa uban pa nga tourist sites sa Bohol nga nalakip sa Protected Area.

Sa gihimong meeting sa DENR ug Gobernador, gi-presenta sa DENR ang ilang nagpadayong nga programa lakip na ang plano nga mopatuman og entrance fee sa mga nailang protected area nga gidayo usab sa mga turista. Tungod kay matud pa dako ang mamahimong income niini sa tourism sector sa probinsiya. Ang conservation and development officer sa DENR Bohol nga si Marcial Ugay mibutyag nga usa sa giplanohan nga pahamtangan og entrance fee mao ang Chocolate Hills.

Agi ug subay sa napahamtang nga balaud sa DENR nga 100 pesos ang entrance fee para sa mga foreign tourists, 30 pesos sa mga local tourists ug 15 sa mga estudyante. Ang DENR pinaagi sa Protected Area Management Board (PAMB) maoy mopatuman og kolekta sa entrance fee. Gibutyag sa DENR nga dili lang ang Chocolate hills sa Carmen ang ilang target nga pahamtangan ug entrance fee kun dili lakip na niini ang Calape group of island wilderness area and MSFR, Cabilao-Sandingan island MSFR, Inabanga-Buenavista MSFR and Inabanga group of island, Loboc watershed forest reserve, Alijawan-Cansuhay-Anibongan River watershed forest reserve, tubigon group of island, clarin group of island, Candijay-anda-mabini MSFR and candijay group of island, pres. Carlos p. Garcia group of island, Getafe group of island, ug Ubay group of island.

Si Ugay nagpasabot nga ang kolektahon nga mga entrance fee mao usab ang gamiton sa nagkadaiyang kalihukan, development, protection management ug uban pa sa mga natumbok nga mga protected area. Labi na gayod ang conservation sa kinaiyahan sa atong lalawigan. Ang gobernador sa iyang bahin mi-hangyo una nga dili usa ipatuman ang entrance fee collection. Kini tungod kay nagpadayon pa ang iyang buhatan sa pag-amendar sa tourism code sa Bohol. Gusto ni Aumentado nga mahapsay ang pag-implementar sa mga kalihukan sa turismo aron dili maglibog ang publiko ilabi na ang mga turista. Mahitungod sa pwedi nilang bayronon ug labaw sa tanan gilantaw sa gobernador nga mamahimong komportable ug linaw ang pag bisita sa mga turista dinhi sa probinsiya sa Bohol