Special Program for Employment of Students padayong gi suportahan ni Gov. Aumentado para sa mga kabatan-onan Daghan sa pamilyang bol-anon ang grabeng naapektuhan sa pandemya ug nilabay nga bagyong odette, diin kadaghan sa mga ginikanan ang nawad an ug panginabuhian, apektado usab ang pag skwela sa ilang mga anak.

Sa paglingkod ni governor aris aumentado isip amahan sa kagamhanang probinsiyal sa bohol una ng gibutyag niini nga usa sa iyang development agenda ang edukasyon para sa mga kabatan-onan, labaw na ang pag empower sa youth pag abot sa kultura ug mga talento. Tungod niini padayon nga gi suportahan sa gobernador ang (SPES) o ang Special Program for Empoyment of Students diin dako kinig katabang aron mabayaran sa mga studyante ang ilang mga balayronon sa skwelahan labi na gyud ang school supplies nga gikinahanglan sa ilang pag eskwela.

Niadtong Setymebre 10 tuig 2022, gipahigayon sa mga tag dumala ang culmination activity and pay out para sa 612 ka mga SPES members sa nagka lain-laing kalungsoran, apil na niini ang naa na assign sa kapitolyo, ang maong aktibidad gitambongan ni Board Member Lucille Lagunay nga mao ang mi representar sa gobernador, kauban usab si Board Member Tommy Abapo Jr. Sa gipadalang mensahe ni Governor Aris Aumentado giingon niini para sa mga kabatan-onan nga magpa-ubos, ug maningkamot aron makab-ot ang ilang mga damgo sa umaabot, samtang ang giilang si Nanay Lucille Lagunay usab mipahimangno sa mga kabatan-onan nga mopadayon lang luyo sa mga pagsulay nga gi-atubang “never give up” upon reaching your dreams in life.

Ang SPES program gimugna aron mahatagan ug temporaryo nga trabaho ang mga studyante nga lisod ang kahimtang pag-abot sa ilang pag-skwela, matud pa sa usa mga mga naka benepisyaryo nga batan-on “SPES changed my life and become one of my strength to reach my dreams in life.” Ang kabatan-onan ang paglaum sa nasud, kini ang butyag ni Gat Jose rizal, maong si Governor Aris Aumentado padayong nag-awhag sa mga batan-on nga mag-usa para mo abante ang lalawigang bol-anon.