Si Gob. Aris Aumentado nagmando nga ipanghatag ang mga kinahon-kahon nga personal protective equipment (PPEs) nga gidam-ok lang sa Pres. Carlos P. Garcia sports complex ug wala kini magamit.

“Ipanghatag na namo sa kalungsuran sa pipila ka adlaw,” matud sa gobernador sa interview sa Provincial Information and Media Office (PIMO). Dili lang ang mga PPEs nga alang sa mga health frontliner sa ilang protection batok sa pagtakod sa COVID-19 infection, kon di naay mga kinarton nga ‘face masks’ nga napundo sa buhatan sa Tarsier, matud sa usa ka kasaligang tinubdan sa Provincial Health Office (PHO).Matud sa tinubdan nga ang kanhi administrasyon sa provincial government sa Bohol wala mag-order sa PPEs, apan, ang Department of Health (DOH) nag-deliver niini nga gihatud gikan sa kaulohan sakay sa mga wingvan. Ug walay pundo gikan sa probisnya ang gigugol alang niini.

Ang PPEs naglakip sa mga ‘gowns’ nga ‘light blue’ ug puti (with blue stripes).Basi sa sticker nakatapot sa kada cartoon sa PPEs, ang nag-order niini mao ang DOH, U gang supplier mao ang SPRO Medical Products (Xiamen) Co. Ltd. Located in No. 139 Factory Bldg. Tongan GDN, Tongan Industrial area, Tongan, Xiamen, China. Ang PPEs ‘imported’ sa Endure Medical , Inc. nahimutang sa unit 17A Beldevere Tower, San Miguel Ave., Ortigas complex, Pasig City 1600 Philippines. Ang distributor niini (PPEs) mao ang Philippine Pharmawealth, Inc., nahimutang sa Suite 3001, 30th floor, Textile East Tower, PSEC, Exchange Road corner Pearl Drive, Pasig City, Philippines. Ang destinasyon sa PPEs mao ang Lot 8, Cebu City. Matag cartoon adunay size 58X34X40cm, sa tag 10 ka bags nga may ssulod nga 10 ka buok (or 100 pieces of gowns) ug nitimbang sa 13 kilos. (rvo)

Kining tigsulat nisuway og contact sa DOH alang sa ilang comment niini. (rvo)