MOKABAT 84,650 KA MGA BOL-ANONG BENEPISYARYO NAKADAWAT UG TABANG GIKAN EMERGENCY HOUSING ASSISTANCE PROGRAM SA NATIONAL HOUSING AUTHORITY
Human sa damyos nga gibilin sa nilabayng bagyong Odette, libo-an sa mga bol-anon ang nawad-an ug pinuy-anan, diin kini ang usa sa mga yango-ngo nga ilang gipadangat sa kagamhanang probinsiyal.
Tungod niini ang National Housing Authority (NHA) migahin ug kapin P797 ka milyon, usa Emergency Housing Assistance Program (EHAP) alang sa mga pamilya nga naglisod ang kahimtang tungod sa nasangpit nga bagyo.
Ang P797, 535, 000 nga alokasyon sa mga bol-anon, gibahin-bahin kini, diin adunay pamilya nga makadawat ug tag P10,000 ka pesos ug mokabat sa 74,947 ka pamilya ang makadawat niini, samtang ang 9,613 ka mga pamilya nga giingong wala kaayo maapektuhi sa nilabayng bagyong Odette makadawat ug tag 5mil ka pesos.
Sa kinatibuk-an moabot sa 84,650 ka pamilyang bol-anon ang maka benepisyo sa maong “EHAP 2nd TRANCHE” ug target kining ma implementar sa sa umaabot buwan sa Nobyembre hangtod sa buwan sa Pebrero 2022.
Kining maong lakang sa National Housing Authority, usa sa naghatag ug paglaom labi na sa mga bol-anon nga lisod ang estado sa kinabuhi, kalambuan sa isa, kalambuan sa tibook lalawigang bol-anon. (AEST)
