Nihatag og pisitibong tubag ang mga tinugyanan sa Overseas Worker Welfare Administration (OWWA) nga mag utang og satellite office dinhi sa Bohol.

Kini human nga gi personal ni Gobernador Aris Aumentado ang taga OWWA aron paghangyo nga mopahiluna og buhatan dinhi sa probinsya.

Suma ni Aumentado nga si Atty. Mary Melanie Quino nga maoy Deputy Administrator of Operation mibutyag nga considered as done ang request alang sa OWWA office.

Una nang gibutyag sa Gobernador nga gi-andam na ang governors mansion aron himoong buhatan sa mga national agency.

Ang mga Bol-anon dugay nang nagpaabot nga mabutangan og buhatan ang Bohol sa OWWA aron maghatag og kasayon sa mga OFW dinhi sa probinsya nga mag proseso sa ilang mga papelis ug ubang dokumento. (AEST)