Ang paghandom sa niaging linog nga ni abot sa 7.2 magnitude nga maoy ni uyog sa Bohol niadtung Oktubre 15, 2013 nagtawag kanatu para paghimo sa probinsya nga lig on sa panahaon sa trahedya.

Sa eksperyensya nga gisugid ni Dr. Anthony Damalerio, nga maoy nag ulo sa Provincial Disaster Risk Reduction Management Office (PDRRMO) sa sinemana nga pasundayag sa Capitol Reports nag ingon siya nga dapat ang Bohol nagkinahanglan ug pagahingusgan pa ang pamaagi sa trahedya nga dili malikayan.

Matud pa ni Dr. Damalerio nga kinahanglan nga mogama ug mga lakang arun malikay ang atung mga kaigsoonang Bol-anon sama sa paghimo ug mga training kalabot sa mga trahedya hilabi na sa panahon sa linog, bagyo ug uban pa, arun mamhimong preparado ang opisyales sa pag atubang sa mga nagkalainlain nga trahedya.

Matud pa sa balaod sa RA 10121, ang Risk Reduction Act, ang mga Mayor maoy manguna sa sa administer sa mga tawo nga mopahigayon sa pagsalbar sa mga tawo og mangusog sab ug gamit sa mga kahimanan para sa mga tawo ug hilabi na sa pagpanguna sa paghimo ug earthquake drills sa kada barangay aron mapahibalo sa tanan Bol-anon unsaon pag likay sa trahedya nga moabot sama sa linog ug uban pa.