MOKABAT SA 830 KA MGA KAPOLISAN UG KAPIN 1700 NGA MGA FORCE MULTIPLIERS ANG NAKA DESTINO NA SA TIBOOK LALAWIGAN ISIP BANTAY KALINAW SA UMAABOT KALAG-KALAG
Mas gi doble pa sa PNP Bohol ang pagbantay sa kahapsay ug kalinaw sa lalawigan niining umaabot kalihukan sa Nobyembre 2, nga mao ang paghandom mga minatay.
Sa usa ka interview, gibutyag ni PNP Bohol Provincial Director Osmundo Salibo nga aduna nay 830 ka mga uniformed personnel ang ilang gi assign sa nagkadaiyang sementeryo sa probinsiya, diin ang 1757 niini mao ang mga force multipliers ug apil na niini ang mga barangay tanod.
Dugang pa ni Salibo, possible usab nga daghan sa mga tawo ang mooli gikan sa silingang mga probinsiya aron mobisita sa ilang mga minahal sa kinabuhi nga nitaliwan, busa gisiguro usab sa PNP Bohol nga makig alayon sa Philippine Ports Authority Bohol, aron mas ma monitor pag-ayo ang siguridad sa mga mooli nga unang-una magsugod sa mga dunggo-anan.
Sa umaabot Octobre 31, nakatakda nga edeploy na ang mga uniformed personnel sa ilang assigned area aron sa ingon mabantayan ang kahapsay ug kalinaw sa Bohol panahon sa kalag-kalag, ug aron sa ingong malikayan ang mga krimen sama sa pagpangawat.
Sa pagkakaron padayon nga ming os-os ang criminality rate sa lalawigan, usa ka timaan nga mas natutukan matud pa sa PNP Bohol ang Peace and Order nga usa sa gipangayo ni Gobernador Aris Aumentado. (AEST)
