Ang Philippine Ports Authority (PPA-Bohol) ug Bohol Police Provincial Office ang malampusong nagpahigayon og simulation exercise kalabot sa hostage taking isip pag pangandam sa insidente sa pag panghostage.
Ang simulation exercise gipahigayon sa Tagbilaran City Port niadtong Miyerkules Nobyembre 16, 2022, uban ang mga sakop sa Tagbilaran City Police Station, Bureau of Fire Protection-Tagbilaran, Philippine Coast Guard, Provincial Disaster Risk Reduction and Management Office, ug City Disaster Risk Reduction and Management Office.
Sa wala pa ang pagtubag sa hostage taking scenario, gitigom una ni Incident Command Post Commander Police Major Crisente Gurrea ang kapolisan ug mga responders aron planuhan og maayo sa mga angayang buhaton.
Ang scenario, gi-hostage sa usa ka tripulante sa barko gamit ang bladed weapon ang kaubang tripulante sulod sa barko sa wala masayring hinungdan.
Nakig negosasyon ang negotiating team sa suspek apan wala mosugot ang suspek nga buhian ang biktima hinungdan nga miaksyon ug gisulod dayon sa Special Weapons and Tactics (SWAT), ug naka posisyon ang mga Sniper, Security Team, Medical and Emergency team.
Mibuto usab ang bomba sa gawas sa barko.Malampuson nga naluwas ang biktima nga samdan ug nasikop usab ang suspek nga samdan usab.
Segun sa gihimong assessment sa mga evaluators, basi sa ilang obserbasyon, adunay pipila ka mga kakulangan sa simulation exercise kini sama na lamang sa walay teleskopyo sa mga security personnel aron makita unta bisag layo ang hostage taker ug ang biktima, wala mailhi ang ngalan sa hostage taker ug sa biktima nga posibleng makatabang unta sa negosasyon, ug dapat ikanselar ang biyahe sa mga barko.
Mitambong sa simulation exercise on hostage taking si Bohol PNP Provincial Director Col. Lorenzo Batuan, Port Police Inspector Greg Dela Cruz ug PDRRMO Chief Dr. Anthony Damalerio.
