Isip kabahin sa pagdala sa Kagamhanang Probinsyal ngadto sa katawhan, ni-adto si Gobernardor Erico Aristotle “Aris” Aumentado sa lungsod sa Pres. Carlos P. Garcia (Pitogo) karong adlawa.

Una niyang gitambongan ang usa ka groundbreaking ceremony alang sa pagtukod sa usa ka two-storey evacuation center sa Barangay Pitogo sa maong lungsod. Aduna kini’y badyet na Php25,000,000 gikan sa Socio-Civic Projects Fund (SCPF) sa Office of the President. Gilauman kini na magamit sa katawhan kung adunay dautang panahon ug sa uban pang mga kalihukan sa Pres. CPG.

Nakigkita usab siya sa mga opisyales sa ngakalain-laing barangay alang sa usa ka Meet and Greet Event, kung aha gipang-apud-apud ang Php25,000 na financial aid alang sa mga kabarangayan, inubanan sa mga tanod kits ug BHW (Barangay Health Workers) & BALA (Barangay Livestock Aide) honoraria.

Nakigtagbo usab siya sa 23 ka mga barangay kapitan sa maong lungsod aron madungog ang ilang mga panginahanglanon. Kauban niya sa maong panagtapok si Municipal Mayor Fernando “Eping Gamay” Estavilla.