TASK FORCE ISDA GIMUGNA NI GOBERNADOR ARIS AUMENTADO ARON PAGSULBAD SA DUGAY NANG PROBLEMA SA KAMAHAL SA PRESYO SA ISDA SA BOHOL

Dugay ng yango-ngo sa mga bol-anon ang mahal nga presyo sa isda, kini tungod kay apektado ang ilang kita labi na gayod kay halos ang kita sa matag bol-anon sa isa ka adlaw ang katunga niini maadto sa isa ka kilo lamang mga isda. Tungod niini ang kagamhanang probinsyal sa Bohol ubos sa direktiba ni Gobernador Aris Aumentado nagmugna ug usa ka TASK FORCE aron pagtubag sa dugay na kaayong problema sa publiko kabahin sa mahal nga presyo sa isda.

Ang Executive Order no. 29 nga gipirmahan ni gobernador aris gimugna aron ang TASK FORCE ISDA nga maoy mohimo sa imbestigasyon, ug pagpatuman sa mga lakang sa pagsulbad sa problema sa mas labing dali nga panahon ug aron makita dayon ang solusyon niini. Si Ricardo Oblena ang kanhi kalihim sa Department of Agriculture maoy mangulo sa gimugnang Task Force Isda nga mao usab ang nagsilbi nga agriculte czar sa lalawigang bol-anon.

Diin ang vice chairman niini mao si Argeo Melisimo uban sa mga sakop niini nga sila si kanhi Loboc mayor Leon Calipusan, DA OIC regional director Joel Elumba, BFAR director Alan Poquita, Mayor Dave Duallo, DA Asec Salvador Diputado. Target sa task force nga mangolekta og datus ug mga impormasyon kalabot sa kasamtangang suplay ug presyo sa merkado, usa ka tahas aron makita ang mga possibleng himoon pa aron moubos ang presyo sa isda sa Bohol. Sa pagkakaron gilantaw sa maong task force nga usa sa solusyon niini ang mga kooperatiba diin mao nay mo suplay ug isda sa mga ka merkadohan aron mawala ang giingong middle man, sa niining paagi lauman ang barato nga isda sa probinsiya sa Bohol. (AEST)